كلمات أغاني الفنان كمال ترباس

[حنين]

يقولو مشغوله


كلما سألت عليك يقولوا مشغوله

ايه شاغلك عنى ورينى يا زوله

مالسكه لي دربك طوالى مقفوله

وان تهت في حبك تبقى انت مسئوله

رسلت ليك انسان جاب ليك

جواب منى

وضحت فيهو كتير

وشرحت كيف انى

محتاج ومشتاق ليك

يا ملهمه فنى

رد الخطاب ما جاء

خيبت لي ظنى

ما انت من اهلى

ومن جيرتى وناسي

شمتى فينى الناس

جرحتى احساسي

كان العشم القاك بس

قلبك القاسى

حرج على قلبى

نفور ناسي

[حنين]

زهرة السوسن
عبدالعال السيد

عطرك الفواح للنفوس مسكن
قلت ليك طلي وحي لو امكن
قلتي لى لالا فى الربيع احسن
والربيع أهو فات
وانت ما جيتى
وحزنت الساحات
وجرحى صحيتى
فيها ايه لو يوم جيتى طليتى
يا النسيتينا وقلتى ما نسيتي
زهرة الحانى
الربيع لو زار خلي يغشاني
موسم الأزهار خايفو ينساني

[حنين]

تختصرني
انت عارف الريد لما اجبرني
ليه ليه تختصرني

ليه يا انساني
رحت تنساني

اصلو عن شخصك
ما نطوى لساني

انت يا مياس
ليك عندي قياس
انت روح شعري فى غزل حساس

حساس ليه تسيبني
سيبني من ناس ديل
يا نعم والديك
سيبني من ناس ديل

ياوحيد والديك
مرة افهمني
واترك القال ليك
قال ليك تختصرني
انت عارف الريد لما اجبرني

[حنين]

حبان قساى

حبان قساى نسو وعلى قليبى قسو
والريح مشت من غير تشتهى نفسى
واصبحت زى شدرا الخريف منسى

عدمان صفق لا موجود لا فيهو ضل لا عود
الناس تصابح العيد وانا بالحزن موعود
سديت دروب الريح راجى الليالي تعود

رسلت ليكم ناس حملتهم اشواق
وتحية من قلباً لى قلبكم مشتاق
وهديه من إنسان حساس مشاعرو دقاق
ده من هواكم يوم ما شغلتو الارزاق .

[حنين]

ياستهم


حسنك يفوق حتى الخيال

كيفن محاسنك أعدهم

السمحة ياستهم

***

حسدوك هم ياستهم لما الصفات عددتهم

لو ما الظروف خوف الملام

في هواك كان كلمتهم

كان قلت اسمك للأنام

وبحت بي سر الغرام

عشت الليالي العشتهم

***

حسدوك هم ياستهم لما الصفات عددتهم

عرفوا الجمال وأحلي الخصال

كل المعاني الردتهم

قالوا المحال رقة ودلال

والجيد طويل وعيون غزال

والبسمة فيك ياستهم

***

وين الحروف ياستهم

صعبن علي ماعرفتهم

أرجع وأقول دونك تحول

سجع القوافي الشفتهم

لو قلت زول ماذي زول

مابوفي قول أو ليك أطول

والله ستي وستهم

***

[رحال]

المبدعة حنين
كلمات رقيقة وجميلة .. تسلمي على الذوق والإحساس الراقي
لك الود والتقدير

[حنين]

رحال سلامات

كمال ترباس هذا المبدع له أغاني كثيرة جميلة

ويطرب لها الكل وهذه إحدي روائعه

وتشكر علي ذوقك

[حنين]

ياعيوني ما قلتي


ياعيوني ماقلتي من الريدة تبتي

شنو الوداكي تاني وجابك لي تبكي

**

نسيتي زمن دموعك وبحسنه إنبهرتي

أغراك بعيونو وبي لهجو وحنينو

ما قايلاه بظلم وترجعي تاني تبكي

**

قدر ما أوصي فيك وأزيدك في الوصية

أوعي كفاي عذاب وماتزيدي العليا

تجيني حزينة باكية وشايلة معاك أسية

ايه أعمل معاك ياعيني إنتي

**

أقول ليك ياحنينة الله عليك وليك

من ظلم البظلمه يوم ماحسو بيك

الجازاك أميرك وبقي دمعك سميرك

الريدة في دروبها ومسكينة انغلبتي

**

[لحظة الأصيل]

التحية ليك موصولة يا حنين
وانتي بترجعينا للابداعات والاغاني الجميلة
والحق يقال ترباس من اجمل الاصوات
وهو يجيد اختيار الكلمة واللحن والاداء
تقبلي مروري

[حنين]

أصيل سلامات

وأحلي صباح صباحك ياغالية

تصدقي كنت بفتش للأغنيتين الأخريتين ديل لي فترة والحمدلله لقيتهم

ترباس ما شاء الله عليه عنده صوت طروب لا يوجد عند فنان آخر

لكي وله التحية

[الفاروق]

ابداع حنو فعلا كمال ترباس مميز في الصوت وفي الحن واختيار الكلمات
الجميله غايتو انا لم اسمع كمال بقعد اتخيل في الكلمات زى البشوف مسلسل تلفزيوني
عني صوت وصورة .